the old stripper
gamhnach — bó gan ghamhain a thálann bainne

Baile fearainn beag é seo, 69 acra de thalamh leibhéalta ghléireach cois na Feorach. Ní léir cad dó a sheasann gamhnach sa logainm. Deir an Donnabhánach ‘See Lullymore in Co. Kildare’, ach is cosúil nach loilíoch “milch-cow” (< lulgach (bain.), www.dil.ie) is bunús le par Loilíoch Mór (#1242) (CD) ach focal Sean-Ghaeilge firinscneach lilgach, nach léir a bhrí: féach m.sh. 1150c ‘MoDiucla Lilgaig i nUib Fǽlain’ = ‘mo Díchú Lilgaig in Uib Fælain’, Féilire Aonghasa (18 Nollaig), 1170c ‘epscop Liolcaig’, Féilire Uí Ghormáin (2 Samhain).

Is léir ar aon chuma nach réitíonn an fhianaise stairiúil le seangánach “place of ants” (cf. bf Seangánach Bheag/Mhór (#28149, #28150)). Tabhair faoi deara an guta cúnta i ndiaidh sean- in 1838 ‘Shanagoonagh’ (cf. bf An Seanbharr (#28340)).