the town of Tomás
Tomás — ainm pearsanta (< Thomas na nAngla-Normannach)

Ainmneacha stairiúla:
Tá imfhálú gar do bf Cill Mhuire (#28511) i dtuaisceart an bhaile fearainn seo (www.archaeology.ie). B’fhéidir gur dó seo a thagair logainm stairiúil atá le fáil sa chur síos ar thailte Whitney .i. 1549 ‘Raklinshian’, 1557 ‘rawghlyn Eshyan’, ceartaithe in 1563 go ‘[Rawlenneshean alias] Rathneshian’ < Ráithín na Sián (?) “the (little) ring-fort of the fairy mounds, hillocks”, logainm a liostaítear idir Baile Thomáis agus Cill Mhuire sna seanghníomhais. Is ar chúl thoir na gcnoc atá an t-imfhálú suite.

Mionainmneacha ar an léarscáil:
I ndeisceart an bhaile fearainn a bhí an fhoroinn 1607 ‘Kilpatrick’, a mhaireann in ainm an chrosbhóthair Kilpatrick Cross SO < Coill Phádraig (?) “the wood of Pádraig” in aice le bf Coill na Spideog (#28195) lastoir. Is cosúil gurb ionann sin is 1566 ‘Killnesperokye’ inar dhúnmharaigh Giolla Phádraig Ó Móra a dheartháir Rúraí Caoch sa bhliain 1545 gur ghlac an teideal Ó Móra chuige féin (‘Patricke’ a dtugtar air in Inq. Lag. 1 Eilís agus déantar tagairt dó mar thaoiseach faoi 1546 ‘Ua Mordha Giollapatraicc’ ARÉ; cf. obit 1545 ‘Rughraidh caoch mac Conuill’ in Breathnach, Short Annals of Leinster as TCD MS 1372) — cf. bf Coill Rúraí (#28194) teorantach lastoir. B’fhéidir gur chomhtharlúint é seo, tharla gur fíorbheag an t-achar ama idir an eachtra úd agus na chéad tagairtí do na logainmneacha seo, ach is spéisiúil an grúpa ainmneacha é.