(the) town of —

Ní léir bunús an cháilitheora anseo.

Tá iontrálacha 1563, 1587, 1607, 1608 gaolmhar le chéile. Tá sé le tuiscint go raibh an fuaimniú sa 16ú haois an-ghairid d’fhuaimniú 2007 /baliˑˈkləidər/. Mar gheall ar an bpatrún béime sin is dócha gur focal amháin atá sa cháilitheoir agus mar sin ní bheadh dealramh le leithéid *claí dara(ch) “ditch of oak”, a mbeadh béim an ghutha ar an dara mír.

Is é is dóichí ná gur ainm pearsanta nó sloinne atá ann, faoi mar a thuairimíonn Ó Donnabháin. Más ea ní heol dúinn aon sampla dá leithéid d’ainm i measc na nGall in Éirinn, agus measaimid gur beag an seans gur sloinne nó ainm athartha Gaeilge atá ann (m.sh. *Baile Mhic L—), cé nach féidir a leithéid a chur as an áireamh. D’fhéadfaí *Baile Mhic + ainm/sloinne Angla-Normannach a mheas chomh maith, b’fhéidir: cf. ‘Richard Lydyr [Cill Dara]’ CJR III.

Réiteach fuaime a mholaimid sa dara heilimint.

Ainmneacha stairiúla:
Tá imfhálú in iarthuaisceart an bhaile fearainn (www.archaeology.ie). Sa chur síos ar thailte an Phiogóidigh in 1608 luaitear ‘a croft called Croghtnegirta’ < Crochta na Goirte (?) “the croft of hunger” díreach taobh istigh de theorainn thuaidh an bhaile fearainn seo sula ritheann sé soir isteach sa ‘great moor of Moanevane’ (Moanavaw Bog (#1419171)) (CPR 112).