the town of Ó Cnáimhín?
Ó Cnáimhín — sloinne

Measaimid gur dócha gurb é an sloinne Ó Cnáimhín atá sa cháilitheoir anseo: féach 1601 ‘Owen O Knavine of Balleowen’, par. Achadh Bhó (#27860), lámh leis seo. Féach leis gurbh é ‘o chnʹawveen’ an fhoirm Ghaeilge den sloinne Navin a fuair Ó Corragáin ó sheanbhean (de bhunadh Phort Láirge) a bhí ina cónaí i nDarú, 7km slí soir ón áit seo (Studia Hibernica 31).

Tá -e(e)- le fáil i ndiaidh an -n- sa chéad siolla den cháilitheoir sna tagairtí stairiúla go léir agus níl aon rian de C(h)- /k/, /x/ na Gaeilge le sonrú iontu. Ach féach nach gá go mbréagnaíonn sé seo Ó Cnáimhín. Is san fhoirm Nevin is mó a mhaireann an sloinne úd ar fud na tíre (tá sé i bhfad níos comónta ná Navin, mar shampla; cf. Griffith’s Valuation). Mar leis an C(h)- de, is cosúil nach bhfuil ann ach gur ghlac an sloinne caighdeánaithe Béarla Nevin áit an dara heilimint Ghaeilge faoi 1655; d’fhéadfadh sé gurbh ann do leagan traslitrithe ar nós * Ballyknavine tráth (cf. bf Baile Dháith > 1551 ‘Ballygae’ > 1638 ‘Ballydavid’ (TÁ 71) (#48518)).

Cf. na foirmeacha stairiúla faoi bbf Baile Uí Chnáimhín (CD; Cl; PL; TÁ).