the (oak-)wood of Cantún?
Cantún — sloinne (< Canton na nAngla-Normannach)?

An sloinne Angla-Normannach Canton atá sa cháilitheoir anseo, is cosúil. Féach na samplaí seo a leanas ó Loch Garman: ‘Gaspar Canton’, ‘James Canton’ sna Fiants (16ú haois) agus ‘David de Cannteton’, ‘David de Caunton’ sa Calendar of Justiciary Rolls (14ú haois).

Ní dócha gurb é an sloinne Angla-Normannach Condon atá ann; Condún an fhoirm choitianta Ghaeilge de sin.

Is éard atá i gceist ag Ó Donnabháin leis an nóta 1838 ‘Fitz Anthony’ ná gur mheas sé go bhféadfadh sé gur réadú é 1655 ‘Derrycantan’, srl., ar Doire Mhic Antáin “the (oak-)wood of Mac Antáin (< Fitz Anthony)”. An t-ainm athartha seo is bunús leis an logainm Gaeilge bf, b Baile Mhic Andáin (#1411901) i gCill Chainnigh (< 1224 ‘Thomas Fitz Anthony’, Seanascal Laighean; díol spéise go dtagraíonn ainm Béarla an bhaile, Thomastown, don duine ceanann céanna). Cf., b’fhéidir, ‘Lawrence Anthony’ i bparóiste Achadh Bhó in Griffith’s Valuation.