the town of the son of Ruairí
Ruairí — ainm pearsanta

Bhí an t-ainm Ruairí comónta i measc mhuintir Dhuinn (m.sh. 1427 ‘Ruaidhri ua duinn taoiseach ua riaccain’ ARÉ IV 870).

Baile fearainn beag is ea é seo (40 acra), ach ar léarscáil an Down Survey chlúdaigh 1655 ‘Ballimcrory’ é seo agus bf An Ghléib (#28678) laistiar (165 acra) araon.

Mionainmneacha ar an léarscáil:
Díol spéise caomhnú an -th- /h/ láir sa mhionainm Glenlahan River SO < An Gleann Leathan “the wide glen”, a ritheann anuas ó Shliabh Bladhma anseo. Is minic an foghar seo caillte i logainmneacha béarlaithe an chontae seo agus fadú cúitimh a theacht ina áit.

Ainmneacha stairiúla:

1. Is é an talamh ar gach taobh den ghleann thuas, bf Baile Mhic Ruairí san áireamh, a bhí i gceist sa cheathrúin darbh ainm 1607 ‘Kilregrallagh’, ‘Killingrallagh’, ‘Killnegrallagh, ‘Killtegrallagh’, 1607/8 ‘Killnegrallagha’, ‘Killnegrallagh’, 1608/9 ‘Killtegrallaghe’, ‘Killnegrallaghe alias Kiltegralaghe’, ‘Killngrallagha alias Kiltegrallaghe’, 1609 ‘Killtegrallagh’ CPR, 1622 ‘Kilnagrealcha’, ‘Killnegrallaghe’, 1637/8 ‘Koilltegrallagh alias Killnegrellagh’, 1638 ‘Kiltegrellagh’, 1639 ‘Killnegrallagh’, ‘Killnegrallagh’, ‘Coltegrelagh’ < Coillte Greallach “woods of (the) mires” nó Coill na Greallcha “the wood of the mire” (féach www.dil.ie s.v. 1 grellach agus cf. Ó Crualaoich, Logainmneacha na hÉireann IV (LG) s.n. Ballynagrallagh).
2. Áit eile taobh leis seo ab ea 1607 ‘Ballimickmullmore’, 1629 ‘Ballymcmulrony’, 1637/8 ‘Ballemolmore’, 1660c ‘Gleabe Land — Ballymcrory and Ballymcmullmory’ < Baile Mhic Mhaolmhuire (?) “the town of the son of Maolmhuire (ainm pearsanta)”. Cf. 1607 ‘Mulmore mcCarroll’, 1607 ‘Edmond mcMulmorie’ luaite faoi bf Doire (#28543).