Ceapach Laichnín
the tillage-plot of Laichnín
Laichnín (< Laichtnín) — ainm pearsanta

Tá na hiontrálacha 1655–1685 truaillithe, is cosúil. Taispeánann an fhianaise eile gur fhorbair 1551 ‘ laghnyn’ go 1805 ‘ loughlin’ trí chomhshamhlú (nó díshamhlú) -l-n-n > l-l-n. Tá an fhorbairt chéanna le sonrú in bf Baile Mhic Lachnáin > Ballymacloughlin (#35496) (ME), a bhfuil an t-ainm gaolmhar Lachnán (< Lachtnán) ann. Foirm eile fós atá le fáil sa logainm bf Lios Laichtín (< Laichtnín) (#24074) (Ci).

Féach an plé a dhéanann Ó Riain ar an ainm pearsanta seo in Dictionary of Irish Saints s.n. Laichtín (fondúir bf, par Achadh Úr (#1411600) (CC)).

Cluain Ard
high pasture

Tá cnoc 136m ar imeall an phortaigh i dtuaisceart an bhaile fearainn. Is minic cluain-ainmneacha suite taobh le talamh bhogach (féach Ó Cearbhaill, Logainmneacha na hÉireann III).

Tá an bf Bostún nó Cúil Bhaile Uí Ógáin (#27917), cuid scartha de pharóiste Mhainistir Laoise, suite mar a bheadh oileán i lár an bhaile fearainn mhóir seo.

Mionainmneacha ar an léarscáil:

1. Taobh thiar den chnoc 136m tá an mionainm Coolasnathawn SO, nach léir a bhunús (ach cf. cúil “corner, nook” (?)).
2. Tá Clashawolla SO, 1838 ‘Closhawolla’, ‘Clais a’ bhaile’ AL < Clais an Bhaile “the trench of the town” in oirthear an bhaile fearainn — cf. Shanawolla SO < An Seanbhaile “the old town” in bf Tromra (#28690) lastoir.