Brí éiginnte.
Ainm a théann i gcosúlacht leis seo ná Cluain idir Dha Lá i gCo. an Chláir. Seo roinnt samplaí Gaeilge den ainm sin: Cluain idir Dha La (bliain 1614, 1618), ... da Ládh (1621), ... Da Ladh (1621), ... dhá Lá (1650, 1654). Tá an chluain úd suite le hais inbhear na Sionainne, idir dhá chrompán / shruthán; bíonn láib ann nuair a thránn an taoide. Measaimid gurb iad an dá chrompán 'an dá lá'. Diol suime go bhfuil Baile an Lá (CC) le hais na Bearú, mar a dtuileann agus mar a dtránn sí. Ba dhóigh linn go bhfaigheadh an focal Sean-Ghaeilge lad (DIL), 'sediment' a bheith i gceist. Is mar ladh a litrítear é sa Nua-Ghaeilge Chlasaiceach (ginideach *ladha?). Raghadh an consan -dh- ar ceal agus thitfeadh an dá ghuta ina chéile.
Pádraig Ó Cearbhaill