the bog(land) of the palisade?

Tá bunús an cháilitheora éiginnte. Ach is léir nach Móin Éile atá ann mar a mheas Ó Donnabháin: féach an réadú ar an alt i ndiaidh an chéad eilimint in 1655, 1667, 1838 (pl:AL) agus an e-gairid sa siolla leathdheireanach in 2004. Cuir i gcás mar sin www.dil.ie s.v. 2 aile “fence, palisade” agus féach an cur síos ar ‘Castle — motte and bailey’ i ndeisceart an bhaile fearainn (www.archaeology.ie). Díol spéise an fuaimniú a fuair Ó Corragáin, ‘Moonanelly’ (History and Antiquities of the Diocese of Ossory II 151), a thaispeánann an fhorbairt chéanna /oː/ > /uː/ i bhfochair chonsain shrónaigh is atá le sonrú in ainm an bhaile fearainn teorantaigh bf Gleann na Móna (#28278).

Is ann don logainm Móin Éile “the bog of Éile” (#1416178) gan amhras (cf. Logainmneacha na hÉireann III 187). Dúiche ba ea Éile ar an taobh thoir agus thoir theas de Shliabh Bladhma, in oirthuaisceart Chontae Thiobraid Árann agus in iardheisceart Chontae Uíbh Fhailí an lae inniu (cf. inter alia 1654 ‘the pass of Ballaghmore [bf An Bealach Mór (#28744)] which leades through a great wood lying betwixt the bogg of Monely, and the mountaines of Slewblewmey’, Civil Survey X 33).