Timpeall 1820, meastar, a ainmníodh Bangor i gceantar Iorrais (cf. an t-eolas seo a leanas a tiomsaíodh in Ainmleabhar na Suirbhéireachta Ordanáis sa bhliain 1838: 'the people there state that Bangor is a name given to that fair-town (village) about 15 years ago by Major Bingham, the proprietor'). I lár an 20ú haois, thuairiscigh an scoláire Éamonn Mac an Fhailigh, a raibh staidéar cuimsitheach déanta aige ar Ghaeilge an cheantair, 'I heard only Bangor from people there when they spoke Irish'. Moladh an fhoirm Ghaeilge neamhstairiúil ** ****Beannchar Iorrais, á chur i gcéill gur logainm Gaeilge a bhí ann, sa leabhar Post-Sheanchas (1905) agus is amhlaidh gur scaipeadh an fhoirm seo tríd an gcóras oideachais, srl., ina dhiaidh sin, cé nach bhfuil aon bhonn leis. Is í *Baingear an fhoirm oifigiúil Ghaeilge ó 1969 i leith.