the church of Finneach?
Finneach — ainm naoimh

Níl cinnte bunús an cháilitheora.

Tá leagan ginideach den logainm seo calctha in ainm an tsrutháin 1608 ‘Clashekilfimaghe’, 1654 ‘Glassykillefenny’. Léiríonn na foirmeacha seo gur f- (séimhithe) is túschonsan don cháilitheoir. Féach leis gur 1837 ‘Cill Fhionna’ an litriú Gaeilge a bhreac an Donnabhánach síos ó Laurence (Maoileachlainn) Ó Broin. Cf. na naoimh darb ainm Finneach sna ginealaigh: ‘Findech’ (deochain), ‘Findech’ (easpag).

Tá baint ag an mban-naomh Finneach le paróiste Achadh Mhic Airt i ndeoise Osraí ach ní léir aon bhaint a bheith aici siúd leis an bparóiste seo idir chamáin (féach bf Tobar Baoith nó Cill Fhinnche Mhór (#27758)). Tá tagairtí eile do bhan-naoimh den ainm céanna in CGSH 670.47, 670.54; is ann fós d’fhoirmeacha malartacha in -nd- leathan (‘Findaith, Finda(i)ch’ CGSH 670.32) a réiteodh leis an leagan Gaeilge úd 1837 ‘Cill Fhionna’ b’fhéidir. Cf. 1100c ‘la Findig nduirn ndígrais’ (Féilire Aonghasa 2 Feabhra). Cf. an nóta faoi bf Baile Mhadóg (#28222).

Tá cn Carraig Oisín (#1417883) i ndeisceart an bhaile fearainn. Ní fios an malairt ainm ar an gcnoc seo atá i gceist le 1654c ‘Knockanakilly’, 1660c ‘Knockakilly’ < Cnocán na Cille (?) “the hillock of the church”. Dealraíonn sé, ar an gcur síos ar theorainn na barúntachta, go raibh an cnocán úd laisteas den teampall ar aon chuma.