Ní léir bunús an ainm. Is réiteach fuaime ar an ainm Béarla atá san fhoirm Ghaeilge seo.

Cf. bf Gráig Anstair (#31021) (Lm 47), ina bhfuil sloinne Angla-Normannach mar cháilitheoir (1655 ‘Stephen Anster’, Civil Survey). D’fhéadfadh sé nach bhfuil sa logainm seo againne Anster ach iarsma de logainm níos faide, mar atá in bf Gibbons (#17437) (BÁC 21) < 1750c ‘Gibbeen-bawn or Gibbons’ land’, ach b’fhéidir go mbeifí ag súil le rian de -s an ghinidigh más ea. Thairis sin, is cosúil nach raibh aon bhaint ag an sloinne Anster leis an gceantar seo. Ní ann d’aon iarsmaí seandálaíochta sa bhaile fearainn beag seo (www.archaeology.ie).

Ainmneacha stairiúla:
An Cnocán Bán “the white hillock” an seanainm a bhí ar bf Anster agus bf Legaun (#27874) araon sa 17ú haois, de réir cosúlachta (féach 1661 ‘Knockanbane’, Acts of Settlement and Explanation; cf. an t-ardán 95m i bhfíorthuaisceart bf Anster, b’fhéidir).