the wood of Breacán
Breacán — ainm pearsanta

Bhí baint ag an naomh Breacán le par Cluain Caoin (#1427) agus is cosúil gurb é an t-ainm céanna atá le fáil in bf Cill Bhriocáin (#27931) in Uí Fhairchealláin (cf. Ó Riain 111). Os a choinne sin, níl aon iarsmaí eaglasta anseo. Ná ní dócha gurb ionann is 1638c ‘…cæmiterium de Kilbreakain, cæmiterium de Imocuala…’ ar liosta reiligí an cheantair seo a mheas de hÓir a bhí ag tagairt don áit seo (Dinnseanchas II 36). Deir de hÓir gur ‘dóichí Emo Park, p. Coolbanagher’ (*ibid. nn.*81, 82); ach féach 1297 ‘Kilbrecan in Ocoule, where there is accustomed to be a good town, now wasted’ CJR I 171 = par Bealach Bhreacáin (#1139) i gCill Dara (díreach taobh thall den Bhearú ó pharóiste Lé). Níl aon reilig eile ar an liosta suite taobh thiar den Bhearú go cinnte.

Féach an t-ainm galánta Béarla in 1666 ‘[the two Killbreckans or Killbrettans alias] Checquerton’ ASE 84 ar bréagaistriúchán é bunaithe ar breac “speckled, dappled, variegated”. Tá roinnt leathaistriúcháin agus ainmneacha Béarla nuachumtha san fhoinse céanna, cuid acu níos cruinne ná a chéile. Níor mhair an ceann áirithe seo i bhfad.