the ridge of Conra/Conrí?
Conra/Conrí (SG Conr(a)i), gin. C(h)onrach — ainm pearsanta

Mar leis an ainm pearsanta seo, cf. McCone, Stair na Gaeilge lch.130 §21.6 “CUNO-RIX [Gaeilge Ársa] = SG Con-r(a)i ‘rí na gcúnna’ nó ‘rí atá ina chú’” ... lch.131 §21.9 “Con-r(a)i ... gin. Con-rach”. Tá 9 sampla de gin. C(h)onrach in ainmneacha bailte fearainn Leath Choinn (agus an baile fearainn #4089 sa chontae seo san áireamh) agus droim an t-aicmitheoir le 7 cinn acu. Tá an comhlogú sin ina dhíol suntais, agus tá tuilleadh taighde ag teastáil chun solas a chaitheamh air.

Ta fianaise ar an séimhiú Ch- le fáil i ‘Dromchoora’ (1652), as foinse atá iontaofa ar na ceisteanna sin. Tá rian na Gaeilge freisin ar ‘-(ch)oora’ (1652) murab ionann is na foirmeacha béarlaithe eile in -condra, srl.: féach ‘drum comhra’ pl:AL. Maidir leis an bhfuaimniú áitiúil sin cf. Droim Conrach (#1416706), Contae na Mí: “Druim Chómhrá’ is the Mon[aghan] form. Locally (in Meath) it is pronounced … Druim Chonnrá’’ ag Seosamh Laoide, Post-Sheanchas II (1911): 154. Tharla an guthú céanna ar an gcarn -nr- i gcás bf Tulaigh Bhanrach/Tullyvaragh (#39379) i ndeisceart Chontae Mhuineacháin freisin.