the town of the wisp, wispy person?

Tá an fhianaise an-ghann.

Measaimid gur réadú é 1720 ‘hopican’, 1747 ‘huppehawn’, srl., ar cháilitheoir dar túschonsan sh- /h-/. Réiteodh an chuid is mó den fhianaise leis an ainmfhocal coitianta sopachán “shakedown; nesting material” (féach FGB agus Ó Duinnín s.v.). D’fhéadfaí ainm dílis a chur san áireamh chomh maith, tharla go dtagraíodh an t-ainmfhocal coitianta úd do dhaoine freisin, m.sh. leasainm Sopachán “wispy, unkempt man” nó sloinne *Ó Sopacháin mar a mholann Ó Donnabháin (1838) — tá an dá ainm seo gan urrús, áfach, go bhfios dúinn.

Díol spéise an litriú 1720 ‘-cuppacan’ sa tagairt is luaithe dá dtagann anuas chugainn (cf. 1758). Thabharfadh sin le fios gurbh é c- /k-/ túschonsan radaiceach an cháilitheora agus gur réadú ar ch- /x-/ atá in 1720 ‘-hopican’, srl. Ach más ea ní heol dúinn aon fhocal *copachán i logainmneacha, ná ní dóigh linn gur meititéis ar an logainm Copanach (#5473, #27220, #3519, srl.) a bheadh ina leithéid.

Ó tá an áit seo suite ar leirg sléibhe, ní fhéadfaí a chur as an áireamh gur buaile “cattle-fold, summer pasture” a bhí sa chéad eilimint ó cheart.